მთავარი

ციფრული სკოლა საქართველო

 2019 წლის  თებერვალში  ჩავერთეთ პროექტში ,,ციფრული სკოლა საქართველო“ , რომლის ფარგლებშიც გაიმართა 4 ტრენინგი ქალაქ თბილისის N98  საჯარო სკოლაში.

ჩვენი სკოლის პროექტში ჩართვის მიზანი იყო სკოლაში ციფრული ტექნოლოგიების გამოყენებით ბავშვებისათვის სახალისო აქტივობების შექმნა, თამაშით/ კეთებით სწავლება, ვინაიდან  ციფრული ტექნოლოგიების დანერგვა და გამოყენება, სასწავლო პროცესს შემოქმედებითს, საინტერესოსა და სახალისოს ხდის.

პროექტის განხორციელების ეტაპები სსიპ- ალექსანდრე ცინცაძის სახელობის ქალაქ თბილისის N150 საჯარო სკოლაში:

 სკოლაში შეირჩა 6 წევრიანი ჯგუფი, რომელშიც გაერთიანდნენ:

•        სკოლის დირექტორი- ირაკლი მექვევრიშვილი;

•        საინფორმაციო ტექნოლოგიების მენეჯერი- თეა ობოლაშვილი;

•        დაწყებითი კლასის პედაგოგი - ნათია მეფარიძე;

•        საბაზო საფეხურის პედაგოგი- ნინო ქავთარაძე;

•        საშუალო საფეხურის პედაგოგი- ინგა აბდუშელიშვილი;

•        საშუალო საფეხურის პედაგოგი- თამარ ტატიშვილი;

 საშუალო საფეხურის პედაგოგი- თამარ ტატიშვილი;

პროგრამა SELF-ის გამოყენებით სკოლაში ჩატარდა კვლევა სასკოლო ბაზაზე ,, ციფრული ტექნოლოგიების“ გამოყენებასთან დაკავშირებით.  კვლევაში მონაწილეობა მიიღო დაწყებითი და საბაზო საფეხურის მოსწავლეებმა და მასწავლებლებმა. კვლევის შედეგად გამოიკვეთა სამი ტიპის მასწავლებელთა ჯგუფი:

               I -  მასწავლებლები, რომელთაც არ აქვთ შესაბამისი კომპეტენცია ციფრული ტექნოლოგიების გამოყენების. 

              II-  მასწავლებლები, რომლებიც ფლობენ ტექნოლოგიებს, თუმცა არ იყენებენ საგაკვეთილო პროცესში;

              III-  მასწავლებლები, რომლებიც ფლობენ ტექნოლოგიებს და აქტიურად იყენებენ

ს         საგაკვეთილო პროცესში;

ასევე გამოიკვეთა მოსწავლეთა ორი ჯგუფი:

·       მოსწავლეები, რომლებსაც აქვთ სრული მიმღეობა;

·       მოსწავლეები, რომლებსაც დოზირებულად სურთ ციფრული ტექნოლოგიების გამოყენება. კვლევიდან გამომდინარე გამოიკვეთა პრობლემა და დავსახეთ პრობლემის გადაჭრის გზები.

  სამიზნე ჯგუფად ავირჩიეთ Vკლასის სამივე პარალელში შემსვლელი

მასწავლებლები.

       I კატეგორიის მასწავლებლებთან, რომელთაც არ აქვთ შესაბამისი კომპეტენცია ციფრული ტექნოლოგიების გამოყენების, დავგეგმეთ შეხვედრები და ვაჩვენეთ ციფრული ტექნოლოგიების გამოყენებით ჩატარებული გაკვეთილი, კერძოდ PLICKERS- ის ინსტრუმენტის გამოყენება. ეს პროგრამა მათთვის მარტივად გასაგები და ადვილად გამოსაყენებელი აღმოჩნდა.

შემდეგ ასისტენტების დახმარებით , რომლებიც ტექნიკურ მხარეს უზრუნველყოფდნენ, ჩაატარეს წარმატებული გაკვეთილები და წარვადგინეთ პროექტის ანგარიში.

       II  და III კატეგორიის მასწავლებლებს გავაცანით ტრენინგზე შესწავლილი ყველა პროგრამა, რომელსაც აქტიურად გამოიყენებენ საგაკვეთილო პროცესში.